Aniyaꞌ na lumaꞌ-lumaꞌ kami ma Purok 1, Tinoto, Maasim, Sarangani. Mohot kami makatabang center itu ma pagiskul ondeꞌ-iskul Tinoto maka pahekaꞌ pagusal bahasa Sinama ma internet. Ma buwattinaꞌan anambut kami saga members min Tinoto.
Ai takꞌlloꞌbi bahāꞌ ma membership?
Umbul dakayuꞌ makajari kam angindam saga book min library kami. Aniyaꞌ saga books maitu ma bahasa English, Tagalog, maka ma Sinama isab. Bang kam ondeꞌ-iskul ma elementary school boꞌ member kam ma center, bulan-bulan aniyaꞌ pamuwan kami ma kaꞌam book Sinama. Piꞌitu sadja kam ni center angamuꞌ.
Saddī minnilu, pamuwan kami ma kaꞌam free internet ginantaꞌ min saga hinangbi maitu ma center. Pagbayadbi membership fee (₱50), pamuwan kami magtūy ni kaꞌam 3 voucher code. Tausal voucher code itu angꞌlloꞌ dan jām internet ma center atawa ma device-bi.
Makakꞌlloꞌ kam free internet isab bang ka anulat ma website itu ma Sinama. Angamuꞌ kami saga sulat bang ai habal min kauman, habal min saga lahat Sama, atawa habal Pilipinas, atawa minsan international news. Post-unbi maitu ma website “kauman.sinama.org”. Subay mbal isab atahaꞌ toꞌongan sulatna. Sarang na bang 100 kabtangan. Ma dakayuꞌ post sadja, pamuwan kami ni kaꞌam dan jām internet.
Ma bulan October manjari isab kam patibaw Center kami maitu ma Tinoto. Bang member kam boꞌ magbassa kam ma library kami tongaꞌ jām, pamuwan kami isab ma kaꞌam tongaꞌ jām internet. Muramurahan makatabang itu ma saga ondeꞌ-iskul. Minsan bowabi saga būkbi min iskul, makajari kam mag-study maitu. Taitung ilu.
Ai saga requirements ma membership?
Subay kam min Barangay Tinoto.
Subay aniyaꞌ accountbi ma Kauman Sama Online (Sinama.org)
– Bang mbal kam ataꞌu angahinang, makajari kami anabangan kaꞌam.
Aniyaꞌ bayadna ₱50.
– Bayad itu panabang ma kami bang aniyaꞌ magkaꞌat ma center, ma saga book, maka ma saga computer.
Ai saga gara kami ma center ma sinosong?
Bilahi kami angahinang saga live youtube broadcast ma Bahasa Sinama.
Bilahi isab kami amaniyaꞌ saga contest ma drawing, angahinang taguriꞌ, contest ma tarasul maka contest kalangan.
Amaniyaꞌ isab kami saga tournament pagongkaꞌan buwat chess atawa dama.
